ಶ್ರೀವಾರಿ ದೇವಾಲಯಕ್ಕೆ ಪ್ರಧಾನಿ ಭೇಟಿ

ರಾಷ್ಟ್ರದ ಸಮೃದ್ಧಿ, ಪ್ರಗತಿ, ಪ್ರಜೆಗಳ ಬಾಳಲ್ಲಿ ಸುಖ, ಸಂತೋಷ, ಶಾಂತಿಗೆ ಪ್ರಾರ್ಥನೆ

ತಿರುಪತಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ಇಂದು ತಿರುಮಲದ ಶ್ರೀ ವೆಂಕಟೇಶ್ವರ ಸ್ವಾಮಿಯ ದೇವಾಲಯಕ್ಕೆ ಸಾಂಪ್ರದಾಯಿಕ ಉಡುಗೆಯಲ್ಲಿ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿ, ರಾಷ್ಟ್ರದ ಸಮೃದ್ಧಿ, ಪ್ರಗತಿ, ದೇಶದ ಎಲ್ಲ ಪ್ರಜೆಗಳ ಬಾಳಲ್ಲಿ ಸುಖ, ಸಂತೋಷ, ಶಾಂತಿ ಮತ್ತು ಆರೋಗ್ಯ ತುಂಬಲಿ ಎಂದು ಬೇಡಿದರು.

ತಿರುಮಲ ದೇವಸ್ಥಾನಕ್ಕೆ ಮೋದಿ ಅವರು ನೀಡುತ್ತಿರುವ ನಾಲ್ಕನೇ ಭೇಟಿ ಇದಾಗಿದೆ, ಈ ಹಿಂದೆ 2015, 2017 ಮತ್ತು 2019 ರಲ್ಲಿ ಭೇಟಿ ನೀಡಿದ್ದರು.

ಶ್ರೀವಾರಿ ದೇವಾಲಯಕ್ಕೆ ಆಗಮಿಸಿದ ಪ್ರಧಾನಿ ಮೋದಿ ಅವರನ್ನು ಟಿಟಿಡಿ ಅಧ್ಯಕ್ಷ ಭೂಮನ್ ಕರುಣಾಕರ ರೆಡ್ಡಿ ಅದ್ದೂರಿಯಾಗಿ ದೇವಾಲಯದ ಮಹಾದ್ವಾರದಲ್ಲಿ ಸಾಂಪ್ರದಾಯಿಕವಾಗಿ ಸ್ವಾಗತಿಸಿದರು.

ಈ ಸಂದರ್ಭದಲ್ಲಿ ಮೋದಿ ಅವರಿಗೆ ಶ್ರೀವಾರಿ ಚಿತ್ರಪಟ, 2024 ರ ಕ್ಯಾಲೆಂಡರ್, ದಿನಚರಿಯನ್ನು ಅರ್ಪಿಸಲಾಯಿತು.