ಕರ್ನಾಟಕದಲ್ಲಿ ಆರ್‌ಎಸ್‌ಎಸ್ ಸರ್ಕಾರವೇ!

ಸಿಸಿಬಿ ಪೊಲೀಸರಿಂದ ಹರಿಪ್ರಸಾದ್ ವಿಚಾರಣೆ

ಬೆಂಗಳೂರು:ರಾಜ್ಯದಲ್ಲಿರುವುದು ಮುಖ್ಯಮಂತ್ರಿ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರ್ಕಾರವೇ ಅಥವಾ ಆರ್‌ಎಸ್‌ಎಸ್ ಸರ್ಕಾರವೇ ಎಂದು ಆಡಳಿತ ಪಕ್ಷದ ಹಿರಿಯ ನಾಯಕ ಹಾಗೂ ವಿಧಾನ ಪರಿಷತ್ ಸದಸ್ಯ ಬಿ.ಕೆ. ಹರಿಪ್ರಸಾದ್ ಇಂದಿಲ್ಲಿ ಪ್ರಶ್ನಿಸಿದ್ದಾರೆ.

ರಾಜ್ಯದಲ್ಲಿ ಗೋದ್ರಾ ರೀತಿ ಘಟನೆ ನಡೆಸಲು ಸಂಚು ರೂಪಿಸಲಾಗುತ್ತಿದೆ ಎಂದು ಹರಿಪ್ರಸಾದ್ ನೀಡಿದ ಹೇಳಿಕೆ ಸಂಬಂಧ ಮಾಹಿತಿ ಪಡೆಯಲು ಸಿಸಿಬಿ ಪೊಲೀಸರು ಕುಮಾರ ಕೃಪಾ ಅತಿಥಿ ಗೃಹದಲ್ಲಿ ಅವರ ವಿಚಾರಣೆ ನಡೆಸಿದರು.

ಉದ್ಯೋಗ ಅನ್ವೇಷಣೆಗೆ ಸಚಿವರ ತಂಡ

ವಿಚಾರಣೆ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಹರಿಪ್ರಸಾದ್, ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ, ಆ ಪಕ್ಷದ ಸಂಸದ ಅನಂತಕುಮಾರ್ ಹೆಗಡೆ ಅವರನ್ನು ಪ್ರಶ್ನಿಸದ ಈ ಸರ್ಕಾರ ನನ್ನನ್ನು ಪ್ರಶ್ನೆ ಮಾಡಲು ಪೊಲೀಸ್ ಕಳುಹಿಸಿದೆ ಎಂದು ಕಿಡಿ ಕಾರಿದರು.

ನನಗೇನು ವಿಐಪಿ ಟ್ರೀಟ್‌ಮೆಂಟ್ ಬೇಡ

ನನಗೇನು ವಿಐಪಿ ಟ್ರೀಟ್‌ಮೆಂಟ್ ಬೇಡ, ಬಂಧಿಸಿ ಕರೆದುಕೊಂಡು ಹೋಗಿ, ಮಂಪರು ಪರೀಕ್ಷೆ ಮಾಡಿಸಿ ಎಂದು ಹೇಳಿದ್ದೇನೆ.

ಬಿಜೆಪಿ ನಾಯಕರು ಮನಬಂದಂತೆ ಹೇಳಿಕೆ ನೀಡುತ್ತಿದ್ದರೂ ಈ ಸರ್ಕಾರ ಅವರ ಮೇಲೆ ಯಾವುದೇ ಕ್ರಮ ಕೈಗೊಂಡಿಲ್ಲ, ಆದರೆ ನಮ್ಮದೇ ಸರ್ಕಾರ ನನ್ನ ಮೇಲೆ ತನಿಖೆ ನಡೆಸುತ್ತಿದೆ, ಇದೇನು ಆರ್‌ಎಸ್‌ಎಸ್ ಸರ್ಕಾರವೇ.

ರಾಮಲಲ್ಲಾ ವೀಕ್ಷಣೆಗೆ ರಜೆ ಕೊಡಿ

ನನ್ನನ್ನು ಪೊಲೀಸ್ ಠಾಣೆಗೆ ಕರೆದುಕೊಂಡು ಹೋಗಲಿ ಜೊತೆಗೆ ವಿಜಯೇಂದ್ರ ಅವರನ್ನೂ ಕರೆಸಿ ಮಂಪರು ಪರೀಕ್ಷೆ ಮಾಡಿಸಲಿ ಎಂದು ಕಿಡಿಕಾರಿದ ಹರಿಪ್ರಸಾದ್, ನನ್ನ ಸ್ಥಿತಿಯೇ ಹೀಗಾದರೆ, ಕಾಂಗ್ರೆಸ್ ಕಾರ್ಯಕರ್ತರ ಸ್ಥಿತಿ ಹೇಗಿರಬೇಕು ಎಂದಿದ್ದಾರೆ.