1,281 ಕೋಟಿ ರೂ. ವೆಚ್ಚದಲ್ಲಿ 197 ಕೆರೆಗಳಿಗೆ ನೀರು

ನಬಾರ್ಡ್ ನೆರವಿನಡಿ ಯೋಜನೆ ಜಾರಿ

ಬೆಳಗಾವಿ:ಭದ್ರಾ ಜಲಾಶಯದ ಏತ ನೀರಾವರಿ ಯೋಜನೆಯಡಿ ತರೀಕೆರೆ, ಕಡೂರು, ಅರಸೀಕೆರೆ ತಾಲ್ಲೂಕಿನ ಕೆರೆಗಳಿಗೆ ನೀರು ತುಂಬುವ ಕಾಮಗಾರಿಯನ್ನು ಶೀಘ್ರವೇ ಪೂರ್ಣಗೊಳಿಸಲಾಗುವುದು ಎಂದು ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ವಿಧಾನಸಭೆಯಲ್ಲಿ ತಿಳಿಸಿದ್ದಾರೆ.

ಕೆ.ಎಸ್.ಆನಂದ್ ಪ್ರಸ್ತಾವಕ್ಕೆ ಉತ್ತರಿಸಿದ ಅವರು, ಚಿಕ್ಕಮಗಳೂರು ಹಾಗೂ ಹಾಸನ ಜಿಲ್ಲೆಯ 197 ಕೆರೆಗಳಿಗೆ ನೀರು ತುಂಬಿಸುವ ಕಾರ್ಯಕ್ಕೆ 1,281 ಕೋಟಿ ರೂ. ವೆಚ್ಚದಲ್ಲಿ 4 ಹಂತದಲ್ಲಿ ಯೋಜನೆ ಪೂರ್ಣಗೊಳಿಸಲು ಈಗಾಗಲೇ ಆಡಳಿತಾತ್ಮಕ ಅನುಮೊದನೆ ನೀಡಲಾಗಿದೆ ಎಂದರು.

ಕಾಮಗಾರಿಗೆ ಹಣದ ಸಮಸ್ಯೆ ಆಗಬಾರದೆಂಬ ಕಾರಣಕ್ಕೆ ನಬಾರ್ಡ್ ಸಹಾಯ ಧನದ ಮೂಲಕ ಶೀಘ್ರವೇ ಪೂರ್ಣಗೊಳಿಸಲಾಗುವುದು ಎಂದರು.